ТҰРАҚТЫ ДАМУ КОНТЕКСІНДЕ ЭКОТУРИЗМДІ ІЛГЕРІЛЕТУ
Кілт сөздер:
туризм, тұрақты даму, ерекше қорғалатын табиғи аумақтар, тұжырымдама, экономика, экологиялық туризмАңдатпа
Мақалада тұрақты даму мақсаттарына қол жеткізу міндеттері шеңберінде туризмді дамыту, экотуризмді ұйымдастыру, туристік қызмет көрсету үшін қоршаған ортаның туристік-рекреациялық ресурстарын тиімді қолдану жағдайлары қарастырылған. Сонымен қатар авторлар ерекше қорғалатын табиғи аумақтардың әлеуетіне талдау жүргізді сондай-ақ ерекше қорғалатын табиғи аумақтарды қолдану көрсеткіштеріне яғни табиғатты қорғау кәсіпорындарының санына, келушілер үшін экскурсиялық қызмет көрсететін қызметкерлер санына, өткізілген экскурсиялық қызметтерге және ерекше қорғалатын табиғи аумақтарда ұйымдастырылған кәсіпорындардың қызметін тұтынушылардың қарқынына талдау жүргізген. Мақаланы
жазу барысында зерттеудің ғылыми-әдістемелік тәсілдерін жалпылау кезінде талдау және синтез, салыстырмалы талдау әдістер қолданылды. Ерекше қорғалатын табиғи аумақтарды туристік мақсатта қолдануды бағалау үшін талдамалық зерттеулерде экономикалық- статистикалық әдістер қолданылды. Абстрактілі-логикалық әдістер арқылы қорытынды тұжырымдар мен ұсыныстар жасалған. Қазақстанның ерекше қорғалатын табиғи аумақтарында көрсетілетін қызметтердің түрлеріне назар аударылған. Сондай -ақ ерекше қорғалатын табиғи аумақтарды туризм мақсатында қолданудың халықаралық тәжірибесі сараланып, туризмнің бұл түрін дамыту арқылы қосымша жұмыс орындарын ашуға, табыс көзін қалыптастыруға мүмкіндік туындайтындығы талдау нәтижелерінде көрсетілген.
