Журнал туралы
«Bulletin of the International University of Tourism аnd Hospitality» ғылыми журналы Халықаралық туризм және меймандостық университетінің құрылтайшылығымен ашылып, 2023 ж. 19 маусымында Қазақстан Республикасының Баспасөз және бұқаралық ақпарат істері жөніндегі ұлттық агенттігінде тіркеліп, №KZ84VPY00072237 куәлігі берілген.
Жазылау индексі № 76243.
Журнал 2024 жылдың наурыз айынан бастап Париж қаласындағы ISSN орталығында тіркелген.
ISSN 3007-083X (Print)
ISSN 3007-0848 (Online)
Қазақстан Республикасы Білім және ғылым министрлігінің Білім және ғылым саласында сапаны қамтамасыз ету комитеті Төрағасының 2024 жылғы 30 қазандағы № 1002 Бұйрығымен "Bulletin of the International University of Tourism аnd Hospitality" журналының "Туризм" бағыты 2024 жылғы қыркүйектен бастап Қазақстан Республикасы Білім және ғылым министрлігінің Білім және ғылым саласындағы сапаны қамтамасыз ету комитеті ғылыми қызметтің негізгі нәтижелерін жариялау үшін ұсынатын ғылыми басылымдардың 3-ші тізбесіне кіреді.
Журналдың мерзімділігі: тоқсан сайын жылына 4 рет шығарылады.
Журнал мақалалары CrossRef ДБ тіркеледі, әр мақалаға DOI – объектінің цифрлық сәйкестендіргіші беріледі, ол электрондық құжаттарға сілтеме жасауды қамтамасыз ету үшін пайдаланылады. (DOI prefix: 10.62867)
Журналдың редакциялық алқа құрамында қазақстандық және шетелдік ғалымдар бар.
Журналға ғылыми мақалалар Қазақстан, Түркия, Ресей, Өзбекстан, Қырғызстан, Үндістан, сондай-ақ басқа да шетелдердегі барлық ұйымдардан үш тілде (қазақ, орыс, ағылшын тілдерінде) қабылданады. Мақала журнал сайтында толық мәтінде 3 тілде орналастырылады.
Журналдың мақсаты – Қазақстан, ТМД елдері және әлемнің басқа елдерінде жүргізілген туризм, экономика, қаржы, маркетинг, қонақжайлылық бағытындағы зерттеу жұмыстарын жариялау, осы бағыттардағы іргелі және қолданбалы зерттеулер бойынша ғылыми ортаны ақпараттандыру; осы бағыттардағы әлемдік тәжірибе мен әдістемелік тәсілдерді ғылыми ортаға жеткізу; ҚР аумағында, сондай-ақ алыс және жақын шетелдерде (профессорлар, ғалымдар, ғылыми қызметкерлер, докторанттар) түрлі ғылыми ұйым өкілдерінің өзара ықпалдастығын қамтамасыз ету.
Журналдың міндеті – соңғы жаңалықтардың қолжетімділігін және ашықтығын қамтамасыз ету; мақала тақырыбының зерттеу жұмысы мен оның мазмұнына толығымен сәйкес келуін қадағалау.
Журналдың тақырыптық бағыты – туризм, қонақ үй бизнесі, экономика, кәсіпкерлік, менеджмент және маркетинг бағыттары бойынша ғылыми негізделген зерттеу жұмыстарының өзекті мәселелері мен нәтижелері арқау болған мақалалар және осы бағыттағы әлемдік деңгейдегі жетістіктерге қол жеткізген ғалымдардың еңбектеріне шолу жасайтын мақалалар.
Журнал нөмірлерінің жалпы тақырыптары ғылыми басылымның негізгі бағыттары аясында редакциялық алқа және ғылыми редакторлармен келісіле отырып анықталады.
Журналды шығару мерзімділігі
Журнал белгіленген мерзімде желілік (электрондық) және қағаз нұсқада жылына 4 рет (3 айда бір рет) шығарылады, атап айтқанда: бірінші нөмір ағымдағы жылдың 30 наурызына дейін, екінші нөмір – ағымдағы жылдың 30 маусымына дейін, үшінші нөмір – ағымдағы жылдың 30 қыркүйегіне дейін және төртінші нөмір – ағымдағы жылдың 30 желтоқсанына дейін шығарылады. Журналға мақала жариялау ақысыз.
