Журналдың редакциялық саясаты
«Bulletin of the International University of Tourism And Hospitality» журналы 2023 жылдан бастап жарық көріп келеді.
Журнал әлеуметтік ғылым бағытындағы Туризм, экономика, қаржы, басқару, маркетинг, қонақжайлылық салаларындағы өзекті мәселелерді талқылайтын ғылыми басылым мен ашық пікірталас алаңы болып табылады.
Басылымның құрылтайшысы ҚР мәдениет және спорт министрлігінің Халықаралық Туризм және Меймандостық Университеті болып табылады.
Журнал ғылыми-басылымдық қызметін Қазақстан Республикасының заңнамасына сәйкес жүзеге асырады. Мерзімдік басылымның есепке қойылғандығы жайлы куәлігі, құрылтайшысы, ISSN, жазылым индексі, редакция алқасының құрамы көрсетілген веб-сайты бар.
Журналдың редакциялық алқасы мен халықаралық редакциялық кеңесіне танымал әрі беделді қазақстандық және шетелдік ғалымдар кіреді.
«Bulletin of the International University of Tourism And Hospitality» журналының редакциялық саясаты авторлық жарияланымдардың ақпараттық ашықтығы мен қол жетімділігі қағидасына негізделеді. Журнал электронды нұсқада жарияланады, толық мәтіні сайтқа жүктеледі.
Журналдың мақсаттары мен міндеттері
Журналдың мақсаты- Қазақстан, ТМД елдері және әлемнің басқа елдерінде жүргізілген туризм, экономика, қаржы, маркетинг, қонақжайлылық бағытындағы зерттеу жұмыстарын жариялау, осы бағыттардағы іргелі және қолданбалы зерттеулер бойынша ғылыми ортаны ақпараттандыру; осы бағыттардағы әлемдік тәжірибе мен әдістемелік тәсілдерді ғылыми ортаға жеткізу; ҚР аумағында, сондай-ақ алыс және жақын шетелдерде (профессорлар, ғалымдар, ғылыми қызметкерлер, докторанттар) түрлі ғылыми ұйым өкілдерінің өзара ықпалдастығын қамтамасыз ету.
Журналдың міндеттері:
- Ғылыми ортаны туризм бағытындағы жаңа зерттеулермен таныстыру;
- Шетелдік ғалымдардың мақалаларын жариялау арқылы Қазақстандық зерттеулердің теориялық және әдіснамалық деңгейін көтеруге ықпал ету;
- Зерттеушілердің туризм бағытындағы білімі мен таным көкжиегін кеңейту,
- Ғылыми қауымдастықты қазіргі заманғы әлеуметтік білімнің өзекті салаларындағы жаңа зерттеулермен таныстыру;
- Ғылыми-зерттеу жұмыстарының өзектілігін сипаттайтын және эксперименттік зерттеулердің нәтижелерін көрсететін түпнұсқа қолжазбаларды жариялау;
- Университетте тиімді ғылыми-зерттеу жұмысын қамтамасыз ету.
Журналдың тақырыптық бағыттары
Журнал келесі тақырыптық бағыттар бойынша ғылыми жарияланымды жүзеге асырады:
- Қонақ үй қызметі және басқару
- Туризм саласын басқару
- Қонақ үй бизнесі
- Мейрамханаларды басқару
- Туристік қызмет және басқару
- Маркетингті басқару
- Қонақ үй бизнесіндегі бухгалтерлік есеп және қаржы
- Адам ресурстарын басқару
- Ақпараттық технологиялар
- Стратегиялық альянстар және желілерді құру
- Туризмді жоспарлау және туристік бағыттарды дамыту
- Азық-түлік қауіпсіздігі
- Қонақжайлылық индустриясын ілгерілету мен дамыту.
- Экономика және қаржы.
- Қонақ үй қызметі мен туризм саласына қатысты кез келген басқа тақырыптар.
Қолжетімділік саясаты және материалдарды архивтеу
«Bulletin of the International University of Tourism And Hospitality» журналы өзінің ресми веб-сайтында өз контентіне деген қолжетімділікті қамтамасыз етеді. Веб адрес: https://iuth.edu.kz/
Сайттағы барлық ақпараттар қазақ тілі, орыс және ағылшын тілінде беріліп, тек қазақстандық ғана емес, шетелдік ғалымдар мен оқырмандарға да сайттың контентіне ақпараттық ашықтықты қамтамасыз етеді.
Сайтта журналдың редакциялық саясаты, оның мақсаты мен тақырыптық бағыты, мақаланы жариялау шарттары, рецензиялау саясаты, жариялау этикасы, редакция алқасы мен халықаралық редакциялық кеңестің құрамы, сонымен қатар, өзге де ақпараттар берілген. Журналдың электронды нұсқадағы барлық басылымдары тегін таратылады.
Құпиялылық шарттары
Авторлар туралы ақпарат журналдың «Біздің авторлар» айдарында беріледі. Ол жерде – аты-жөні, жұмыс орны, қызметі мен ғылыми дәрежесі, атағы туралы ақпараттар орналасқан.
Редакция алқасы рецензенттерге автор (авторлар), ал авторларға рецензент жайлы мәліметтерді жариялауға қатысты құпияны сақтап қалады. Сонымен қатар, мақалаға сын-пікір жайлы ақпаратты да жарияламайды.
Жарияланымдар жиілігі
Журнал жылына 4 рет жарияланады. Жарияланым тілдері қазақ, орыс, ағылшын тілдерінде.
Жарияланған мақалалар редакция алқасының көзқарасымен сәйкес келмеуi мүмкiн. Редакция сапалы мақалаларды таңдауға құқылы, сондай-ақ ұсынылған материалдардағы ақпаратты қате берілгені үшін жауап бермейді.
* Журналдың редакциялық саясаты «Bulletin of the International University of Tourism And Hospitality» журналының 2023 жылғы 23 мамырдағы редакция алқасының кеңесінде талқыланды және бекітілді. Кеңестің хаттамасы 2023 ж. №5.
